👉ਚੋਰੀ ਦੇ 3 ਮੋਟਰਸਾਈਕਲਾਂ ਸਮੇਤ ਚੋਰ ਨੂੰ ਰਾਜਪੁਰਾ ਪੁਲਿਸ ਨੇ ਕੀਤਾ ਗ੍ਰਿਫਤਾਰ

👉ਗ੍ਰਿਫਤਾਰ ਕੀਤੇ ਗਏ ਮੁਲਜ਼ਮ ਤੇ ਚੱਲ ਰਹੇ ਨੇ ਪਹਿਲਾ ਹੀ ਚੋਰੀ ਦੇ 10 ਮੁਕਦਮੇ…

👉ਨਗਰ ਕੌਸ਼ਲ ਨੂੰ ਸ਼ਹਿਰ ਦੇ ਖਰਾਬ ਹੋਏ ਕੈਮਰਿਆਂ ਨੂੰ ਠੀਕ ਕਰਵਾਉਣ ਦੀ ਕੀਤੀ ਅਪੀਲ ਤਾਂ ਜੌ ਪੁਲਿਸ ਨੂੰ ਚੋਰਾਂ ਨੂੰ ਫੜਨ ਵਿੱਚ ਮਦਦ ਮਿਲ ਸਕੇ: ਐਸ.ਐਚ.ਓ ਬਲਵਿੰਦਰ ਸਿੰਘ

ਰਾਜਪੁਰਾ,23 ਜਨਵਰੀ(ਹਿਮਾਂਸ਼ੂ ਹੈਰੀ):ਰਾਜਪੁਰਾ ਸ਼ਹਿਰ ਵਿੱਚ ਜਿੱਥੇ ਰੋਜਾਨਾ ਚੋਰੀ ਅਤੇ ਡਕੈਤੀ ਦੀਆ ਵਾਰਦਾਤਾ ਵਧ ਦੀਆਂ ਜਾ ਰਹੀਆਂ ਹਨ ਇਹਨਾਂ ਵਾਰਦਾਤਾ ਦੇ ਠੱਲ ਪਾਉਣ ਲਈ ਰਾਜਪੁਰਾ ਪੁਲਿਸ ਵੱਲੋਂ ਵੀ ਆਪਣੀ ਮੁਸਤੈਦੀ ਵਧਾ ਦਿੱਤੀ ਗਈ ਹੈ ਤੇ ਇਸੀ ਮੁਸਤੈਦੀ ਨੂੰ ਕਾਇਮ ਰੱਖਦਿਆਂ ਹੋਇਆਂ ਪੁਲਿਸ ਵੱਲੋਂ ਇੱਕ ਮੋਟਰਸਾਈਕਲ ਚੋਰ ਨੂੰ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਿਲ ਕੀਤੀ ਹੈ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਐਸ.ਐਚ.ਓ ਥਾਣਾ ਸਿਟੀ ਰਾਜਪੁਰਾ ਬਲਵਿੰਦਰ ਸਿੰਘ ਨੇ ਕਿਹਾ ਕਿ ਉੱਚ ਅਧਿਕਾਰੀਆਂ ਦੇ ਹੁਕਮਾਂ ਅਨੁਸਾਰ ਸ਼ਰਾਰਤੀ ਅੰਸਰਾਂ ਤੇ ਨਕੇਲ ਕੱਸਣ ਦਾ ਕੰਮ ਲਗਾਤਾਰ ਜਾਰੀ ਹੈ ਤੇ ਇਹਨਾ ਚੋਰਾਂ ਅਤੇ ਡਕੈਤਾਂ ਤੇ ਕਾਰਵਾਈ ਕਰਦਿਆਂ ਹੋਇਆਂ ਇੱਕ ਮੋਟਰਸਾਈਕਲ ਚੋਰ ਨੂੰ ਚੋਰੀ ਦੇ 03 ਮੋਟਰਸਾਈਕਲਾ ਸਮੇਤ ਗ੍ਰਿਫਤਾਰ ਕੀਤਾ ਹੈ। ਜਿਸਦਾ ਨਾਮ ਅਭਿਸ਼ੇਕ ਪੁੱਤਰ ਸਾਗਰ ਵਾਸੀ ਪਟਿਆਲਾ ਹੈ ਤੇ ਇਸ ਨੂੰ ਲੱਕੜ ਮੰਡੀ ਚੌਂਕ ਰਾਜਪੁਰਾ ਤੋਂ ਨਾਕੇ ਦੌਰਾਨ ਗ੍ਰਿਫਤਾਰ ਕੀਤਾ ਗਿਆ ਜਿਹਦੇ ਕੋਲੋਂ ਤਿੰਨ ਬਿਨਾਂ ਨੰਬਰ ਦੇ ਮੋਟਰਸਾਈਕਲ ਬਰਾਮਦ ਕੀਤੇ ਗਏ ਜਿਨਾਂ ਵਿੱਚੋਂ 02 ਕਾਲੇ ਰੰਗ ਦੇ ਸਪਲੈਂਡਰ ਤੇ 01 ਕਾਲੇ ਰੰਗ ਦਾ ਡੀਲੈਕਸ ਮੋਟਰਸਾਈਕਲ ਹੈ। ਇਸ ਦੇ ਤਹਿਤ ਕਾਰਵਾਈ ਕਰਦਿਆਂ ਹੋਇਆਂ ਦੋਸ਼ੀ ਦੇ ਖਿਲਾਫ ਬੀ.ਐਨ.ਐਸ ਦੀ ਧਾਰਾਵਾਂ 303(2) , 317(2) ਦੇ ਤਹਿਤ ਰਾਜਪੁਰਾ ਥਾਣਾ ਸਿਟੀ ਵਿੱਚ ਮਾਮਲਾ ਦਰਜ ਕਰ ਲਿੱਤਾ ਗਿਆ ਹੈ। ਉਹਨਾਂ ਅੱਗੇ ਜਾਣਕਾਰੀ ਦਿੰਦੇ ਇਹ ਵੀ ਦਸਿਆ ਕਿ ਇਹ ਚੋਰ ਅਭਿਸ਼ੇਕ ਕੁਮਾਰ ਦੇ ਖਿਲਾਫ ਪਹਿਲਾਂ ਵੀ ਪਟਿਆਲਾ ਵਿੱਚ 05 ਅਤੇ ਅੰਬਾਲਾ ਵਿੱਚ 04 ਤੇ 01 ਪੰਚਕੂਲਾ ਦੇ ਵੱਖ-ਵੱਖ ਥਾਣਿਆਂ ਵਿੱਚ ਕੁਲ 10 ਮੁਕਦਮੇ ਦਰਜ ਹਨ ਤੇ ਇਹ ਗਿਆਰਵਾਂ ਮੁਕਦਮਾ ਇਸ ਦੇ ਉੱਤੇ ਦਰਜ ਹੋਇਆ ਹੈ। ਉਹਨਾਂ ਦਸਿਆ ਕਿ ਦੋਸ਼ੀ ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਇੱਕ ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ ਗਿਆ ਹੈ ਤੇ ਇਸ ਚੋਰ ਤੋਂ ਤਫਤੀਸ਼ ਦੌਰਾਨ ਅੱਗੇ ਹੋਰ ਵੀ ਹੋਰ ਵੀ ਕਈ ਖੁਲਾਸੇ ਹੋ ਸਕਦੇ ਹਨ।
*ਫੋਟੋ ਕੈਪਸ਼ਨ: ਜਾਣਕਾਰੀ ਦਿੰਦੇ ਹੋਏ ਥਾਣਾ ਮੁਖੀ ਸਿਟੀ ਰਾਜਪੁਰਾ ਐਸ.ਐਚ.ਓ ਬਲਵਿੰਦਰ ਸਿੰਘ