ਰਾਸ਼ਟਰੀ ਵਿਗਿਆਨ ਦਿਵਸ ਮੌਕੇ ਕਾਲਜ ਵਿੱਚ ਜਾਗਰੂਕਤਾ ਭਾਸ਼ਣ ਅਤੇ ਪੋਸਟਰ ਮੇਕਿੰਗ ਮੁਕਾਬਲੇਕਰਵਾਏ ਗਏ

ਪੱਤਰਕਾਰ ਹਿਮਾਂਸ਼ੂ ਹੈਰੀ
ਰਾਜਪੁਰਾ,19 ਮਾਰਚ: ਪਟੇਲ ਮੈਮੋਰੀਅਲ ਨੈਸ਼ਨਲ ਕਾਲਜ ਰਾਜਪੁਰਾ ਦੇ ਵਿਗਿਆਨ ਵਿਭਾਗ ਨੇ ਕਾਲਜ ਦੇ ਵਿਹੜੇ ਵਿੱਚ 19 ਮਾਰਚ ਨੂੰ ਨੈਸ਼ਨਲ ਕੌਂਸਲ ਆਫ਼ ਸਾਇੰਸ ਐਂਡ ਟੈਕਨਾਲੋਜੀ ਕਮਿਊਨੀਕੇਸ਼ਨ ਦੁਆਰਾ ਉਤਪ੍ਰੇਰਕ ਅਤੇ ਭਾਰਤ ਸਰਕਾਰ ਦੇ ਵਿਗਿਆਨ ਅਤੇ ਤਕਨਾਲੋਜੀ ਵਿਭਾਗ ਦੇ ਸਹਿਯੋਗ ਨਾਲ ਪੰਜਾਬ ਰਾਜ ਵਿਗਿਆਨ ਅਤੇ ਤਕਨਾਲੋਜੀ ਪ੍ਰੀਸ਼ਦ ਅਧੀਨ ਰਾਸ਼ਟਰੀ ਵਿਗਿਆਨ ਦਿਵਸ 2024 ਮਨਾਉਣ ਲਈ ਵਿਗਿਆਨਕ ਭਾਸ਼ਣ ਅਤੇ ਪੋਸਟਰ ਮੇਕਿੰਗ ਮੁਕਾਬਲੇ ਦਾ ਆਯੋਜਨ ਕੀਤਾ। । ਪ੍ਰੋਗਰਾਮ ਦੇ ਕਨਵੀਨਰ ਡਾ: ਨੀਰਜ ਬਾਲਾ ਅਤੇ ਡਾ: ਦਲਵੀਰ ਕੌਰ ਨੇ ਵਿਗਿਆਨਕ ਭਾਸ਼ਣ ਦਾ ਆਯੋਜਨ ਕੀਤਾ, ਜੋ ਕਿ ਪ੍ਰੋ.(ਡਾ.) ਮਨੀਸ਼ ਕਪੂਰ, ਮੁਖੀ ਬੌਟਨੀ ਵਿਭਾਗ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਵੱਲੋਂ ‘ਰੁੱਖਾਂ ਦੀ ਸਿਹਤ’ ਸਿਰਲੇਖ ਹੇਠ ਦਿੱਤਾ ਗਿਆ । ਉਨ੍ਹਾਂ ਨੇ ਜੈਵ ਵਿਭਿੰਨਤਾ ਦੀ ਬਹਾਲੀ ਅਤੇ ਰੁੱਖ ਲਗਾਉਣ ਦੇ ਮੁੱਢਲੇ ਕਦਮਾਂ ਬਾਰੇ ਚਾਨਣਾ ਪਾਇਆ। ਉਨ੍ਹਾਂ ਨੇ ਰੁੱਖਾਂ ਦੀ ਸਿਹਤ ਦੇ ਪ੍ਰਬੰਧਨ ਲਈ ਕਈ ਮਾਪਦੰਡਾਂ, ਉਸਾਰੀ ਦੌਰਾਨ ਰੁੱਖਾਂ ਦੀ ਸੁਰੱਖਿਆ ਅਤੇ ਵੱਖ-ਵੱਖ ਨਿਵਾਰਣ ਕਾਰਵਾਈਆਂ ਆਦਿ ਬਾਰੇ ਚਰਚਾ ਕੀਤੀ। ਇਸ ਮੌਕੇ ਪ੍ਰਿੰਸੀਪਲ ਡਾ. ਚੰਦਰ ਪ੍ਰਕਾਸ਼ ਗਾਂਧੀ ਨੇ ਵੀ ਵਿਦਿਆਰਥੀਆਂ ਨੂੰ ਭਵਿੱਖ ਦੇ ਦ੍ਰਿਸ਼ਟੀਕੋਣ ਲਈ ਪ੍ਰੇਰਿਤ ਕੀਤਾ। ਪੋਸਟਰ ਮੇਕਿੰਗ ਮੁਕਾਬਲੇ ਦਾ ਆਯੋਜਨ ਵੀ ਕੀਤਾ ਗਿਆ ਜਿਸ ਵਿੱਚ ਵਲੰਟੀਅਰਾਂ ਨੇ ‘ਵਿਕਸਿਤ ਭਾਰਤ ਲਈ ਸਵਦੇਸ਼ੀ ਤਕਨਾਲੋਜੀ’ ਥੀਮ ਤਹਿਤ ਆਪਣੇ ਦੁਆਰਾ ਬਣਾਏ ਪੋਸਟਰਾਂ ਦੀ ਪ੍ਰਦਰਸ਼ਨੀ ਕੀਤੀ। ਪੋਸਟਰ ਮੇਕਿੰਗ ਮੁਕਾਬਲੇ ਵਿੱਚ 60 ਤੋਂ ਵੱਧ ਵਿਦਿਆਰਥੀਆਂ ਨੇ ਭਾਗ ਲਿਆ। ਜੱਜਮੈਂਟ ਡਾ: ਰਜਨੀ, ਡਾ: ਜਸਨੀਤ, ਡਾ: ਸੁਖਮਨੀ ਅਤੇ ਪ੍ਰੋ: ਸੋਮਿਆ ਨੇ ਕੀਤੀ। ਮੁਸਕਾਨ (B.Sc-CS) ਅਤੇ ਪ੍ਰੀਤੀ (B.Sc III NM) ਨੇ ਪਹਿਲਾ, ਖੁਸ਼ਪ੍ਰੀਤ ਸ਼ਰਮਾ (B.Sc III NM) ਅਤੇ ਕਾਜਲ (B.Sc II NM) ਨੇ ਦੂਜਾ ਅਤੇ ਮਨੀਸ਼ਾ (B.Sc II NM) ਅਤੇ ਸੁਖਮਨਪ੍ਰੀਤ ਕੌਰ (B.Sc III Med) ਨੇ ਤੀਜਾ ਸਥਾਨ ਹਾਸਲ ਕੀਤਾ । ਇਸ ਮੌਕੇ ਡਾ: ਜੈਦੀਪ ਸਿੰਘ, ਡਾ: ਤਰਨਜੀਤ ਸਿੰਘ, ਡਾ: ਗੁਰਨਿੰਦਰ ਸਿੰਘ, ਪ੍ਰੋ.ਦਲਜੀਤ ਸਿੰਘ,. ਗਗਨਦੀਪ ਕੌਰ,. ਹਰਪ੍ਰੀਤ ਕੌਰ, ਪ੍ਰੋ. ਪੂਰਨਿਮਾ ਹਾਜ਼ਰ ਸਨ।