ਪੱਤਰਕਾਰ ਹਿਮਾਂਸ਼ੂ ਹੈਰੀ
ਰਾਜਪੁਰਾ, 14 ਮਾਰਚ :ਸਥਾਨਕ ਪਟੇਲ ਮੈਮੋਰੀਅਲ ਨੈਸ਼ਨਲ ਕਾਲਜ ਦੇ ਗਣਿਤ ਵਿਭਾਗ ਨੇ ਆਈਕਿਊਏਸੀ ਦੇ ਸਹਿਯੋਗ ਨਾਲ ਡਾ: ਗੁਰਿੰਦਰ ਸਿੰਘ ਸੰਧੂ ਦੁਆਰਾ “ਇੰਟਰਐਕਟਿਵ ਟਾਕ” ਵਜੋਂ ਡਾ: ਵੰਦਨਾ ਗੁਪਤਾ ਦੀ ਦੇਖ-ਰੇਖ ਹੇਠ ਕਾਲਜ ਦੇ ਵਿਹੜੇ ਵਿੱਚ 14 ਮਾਰਚ ਨੂੰ ਪਾਈ-ਡੇ ਮਨਾਇਆ। ਪ੍ਰਿੰਸੀਪਲ ਡਾ: ਚੰਦਰ ਪ੍ਰਕਾਸ਼ ਗਾਂਧੀ ਨੇ ਵਿਦਿਆਰਥੀਆਂ ਨੂੰ ਗਣਿਤ ਦੇ ਖੇਤਰ ਵਿਚ ਆਪਣੀ ਕਾਬਲੀਅਤ ਵਧਾਉਣ ਲਈ ਪ੍ਰੇਰਿਤ ਕੀਤਾ ਅਤੇ ਵਿਦਿਆਰਥੀਆਂ ਨੂੰ ਕੁਝ ਪ੍ਰੈਕਟੀਕਲ ਸਮੱਸਿਆਵਾਂ ਹੱਲ ਕਰਨ ਲਈ ਦਿੱਤੀਆਂ | ਡਾ.ਰਾਜੀਵ ਬਾਹੀਆ ਨੇ ਵੀ ਵਿਦਿਆਰਥੀਆਂ ਨੂੰ ਗਣਿਤ ਵਿੱਚ ਆਪਣਾ ਕੈਰੀਅਰ ਬਣਾਉਣ ਲਈ ਪ੍ਰੇਰਿਤ ਕੀਤਾ। ਡਾ: ਵੰਦਨਾ ਗੁਪਤਾ ਨੇ ਮੁਢਲੇ ਗਣਿਤ ‘ਤੇ ਸੰਕਲਪਤਮਕ ਲੈਕਚਰ ਦਿੱਤਾ ਅਤੇ ਡਾ: ਗੁਰਨਿੰਦਰ ਸਿੰਘ ਨੇ ਇਤਿਹਾਸ, ਉਤਪਤੀ ਅਤੇ ਪਾਈ ‘ਤੇ ਖੋਜ ਕਾਰਜ ‘ਤੇ ਦਿਲਚਸਪ ਪੇਸ਼ਕਾਰੀ ਦਿੱਤੀ | ਪੇਸ਼ਕਾਰੀ ਨਾਲ ਸਬੰਧਤ ਕੁਇਜ਼ ਮੁਕਾਬਲਾ ਪ੍ਰੋ: ਗੀਤਿਕਾ ਗੁਡਵਾਨੀ, ਪ੍ਰੋ: ਦੀਪਿਕਾ ਚੌਧਰੀ, ਪ੍ਰੋ: ਹਰਪ੍ਰੀਤ ਕੌਰ, ਪ੍ਰੋ: ਪੂਰਨਿਮਾ ਨੇ ਕਰਵਾਇਆ | ਮੋਨਿਕਾ (ਬੀ.ਐੱਸ ਸੀ ੨) ਅੱਤੇ ਕੋਮਲ (ਬੀ. ਏ 1) ਨੇ ਮੁਕਾਬਲੇ ਵਿਚ ਪਹਿਲਾ ਤੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਪ੍ਰੋ: ਦੀਪਿਕਾ ਕਥੂਰੀਆ ਨੇ ਸਟੇਜ ਸੰਚਾਲਨ ਕੀਤਾ ਅਤੇ ਸ੍ਰੀ ਪਰਵਿੰਦਰ ਸਿੰਘ ਨੇ ਤਕਨੀਕੀ ਤੌਰ ‘ਤੇ ਸਮਾਗਮ ਦਾ ਸੰਚਾਲਨ ਕੀਤਾ। ਡਾ: ਜੈਦੀਪ ਸਿੰਘ, ਡਾ: ਤਰਨਜੀਤ ਸਿੰਘ, ਡਾ: ਸ਼ੇਰ ਸਿੰਘ, ਡਾ: ਦਲਵੀਰ ਕੌਰ, ਡਾ: ਨੀਰਜ ਬਾਲਾ ਅਤੇ ਡਾ: ਸੁਖਮਨੀ ਕੌਰ ਨੇ ਆਪਣੀ ਹਾਜ਼ਰੀ ਲਗਾ ਕੇ ਸਮਾਗਮ ਵਿੱਚ ਸ਼ਿਰਕਤ ਕੀਤੀ।